Lulzim Basha thuajse nuk po mungon më në asnjë seancë plenare qe pas paktit mes PS dhe Rithemelimit. Gjithnjë në orar dhe gjithnjë i shoqëruar nga deputetët e tij, kreu i Partisë Demokratike bëhet pjesë e Parlamentit ku dhe shpesh mban dhe fjalime si në foltore, ashtu edhe në ambientet e jashtme.
Por kjo e enjte, ka qenë disi më ndryshe për Bashën. Pasi vendosi të zaptonte foltoren, kryeparlamentarja e përjashtoi nga Parlamenti, duke bërë që ai, së bashku me grupin e tij, të linte ambientet e Parlamentit.
Ndryshe nga sa e kemi parë të bëjë javët e fundit, Basha nxitoi hapat të largohej dhe nuk zgjodhi të mbante fjalën e tij me gazetarët. Ajo që na tërhoqi vëmendjen ishte pikërisht ky moment, ku Basha nxitoi të sistemonte flokët e tij.
Një kalim dore që e ka bërë disa herë, deri te makina e tij, duke u përpjekur t’i çojë flokët në formën e tyre. Natyrisht që duke e parë gjithnjë me flokë të rregullta, e mirëkuptojmë insistimin e tij për t’i sistemuar.
